Wednesday 16 May 2018

സുപ്രഭാതം


മദ്യശാല തുറക്കുന്നതേയുള്ളൂ
ബുദ്ധിജീവി, അധ്യാപകൻ, മാന്ത്രികൻ
ഗുഹ്യരോഗി, പ്രാസംഗകൻ, യാചകൻ
ഒക്കെയും വന്നിരിക്കുന്നതേയുള്ളൂ
ഭിത്തിയിൽ സിൽക്ക് പുഞ്ചിരിക്കുന്നു
മദ്യശാല തുടങ്ങുന്നതേയുള്ളൂ

ഗ്രന്ഥശാല തുറക്കുന്നതേയില്ല

വിക്ടർ യൂഗോ, നെരൂദ, കവാബത്ത
മുക്തിബോധ്, ഖണ്ഡേക്കർ, ചങ്ങമ്പുഴ
സുപ്രിയർ കാത്തിരിക്കുന്നതേയുള്ളു
പുസ്തകത്തിൽ പൂക്കാലം മുഴങ്ങുന്നു
ഗ്രന്ഥശാല തുടിക്കുന്നതേയില്ല

ദൃശ്യമിങ്ങനെ കാകോളമുണ്ണവേ
സുപ്രഭാതം തിനന്തോം തിനന്തിനോം

1 comment:

  1. മദ്യശാല തുറക്കുന്നതേയുള്ളൂ
    മദ്യശാല തുടങ്ങുന്നതേയുള്ളൂ
    ഗ്രന്ഥശാല തുറക്കുന്നതേയില്ല
    ഗ്രന്ഥശാല തുടിക്കുന്നതേയില്ല

    ദൃശ്യമിങ്ങനെ കാകോളമുണ്ണവേ
    സുപ്രഭാതം തിനന്തോം തിനന്തിനോം...

    ReplyDelete