അല്‍പ്പനേരം കഴിഞ്ഞു നോക്കുമ്പോള്‍
പൊക്കുടന്റെ കണ്ടല്‍മക്കളില്ല
ടീച്ചര്‍ നട്ട തേന്മാവുകളില്ല
മേധ കാത്ത പുഴക്കരുത്തില്ല.
അല്‍പ്പനേരം കഴിഞ്ഞു നോക്കുമ്പോള്‍
വൃത്തിയുള്ളതായൊന്നുമേയില്ല
മാമ്പഴങ്ങള്‍ കുടിയൊഴിഞ്ഞേ പോയ്‌
കാടുകാത്ത കിരാതന്‍ മറഞ്ഞു പോയ്‌
അല്‍പ്പനേരം കഴിഞ്ഞു നോക്കുമ്പോള്‍
ചുക്കുകാപ്പിക്കലം സര്‍പ്പഗേഹം
വീടുകള്‍ മൃത്യുവാര്‍ക്കും കളിസ്ഥലം
പാതകള്‍ കുഴിബോംബിന്നിരിപ്പിടം
അല്‍പ്പനേരം കഴിഞ്ഞു നോക്കുമ്പോള്‍
ആമിവെച്ച പ്രണയച്ചോറില്ല
ആയിഷയുടെ പൊന്നുമോനില്ല
ആരുമില്ല,ഇലത്തുടിപ്പില്ല
അല്‍പ്പനേരം കഴിഞ്ഞു നോക്കുമ്പോള്‍
ബദ്ധവൈരികളായ് മതഭീകരര്‍
കൊല്ലുവാനും ബാലാല്‍ഭോഗകേളീ-
വല്ലഭത്വപ്പതാക നാട്ടാനും
മന്ത്രവും പടക്കങ്ങളുമായി
മന്ത്രവാദികളായലറുന്നു.
അല്‍പ്പനേരം കഴിയാതിരിക്കാന്‍
നിസ്സഹായത കാവല്‍ നില്‍ക്കുന്നു.
അല്‍പ്പനേരം കഴിയാതിരിക്കാന്‍
ReplyDeleteനിസ്സഹായത കാവല്‍ നില്‍ക്കുന്നു...!