രാപ്പനി

ഇനിയൊരു ജന്മമുണ്ടെങ്കിൽ
കാമുകീ
അതിൽ നിന്റെ പെണ്ണു ഞാൻ
നീയെന്റെ ആൺകൊടി.

ഇവിടെയീ കായലോരം മതി
നമ്മൾക്ക്
ഒരുവട്ടംകൂടി തിളയ്കാൻ തണുക്കാൻ

ഒരു മകൾ
ദാരിദ്ര്യഭാരവും രോഗവും
വിരഹവുമില്ലാത്ത നാസ്തികജീവിതം

പൂക്കൾ വിടർത്തി നീയെഴുതും
അതിൽ എന്റെ പാട്ടുകൾ
പ്രണയവും മധുവുമായ് തുള്ളിടും

രാത്രിയിലങ്ങനെ
ക്നാക്കണ്ടു നീങ്ങവേ
ചീറ്റുന്നു സൈറൻ
തുടങ്ങി ദു:ഖായനം.