ഉടലാണ് സത്യം
ഉടലില് നിന്നല്ലോ പറക്കുന്നു
ചിന്തയുടെ കുരുവിയും കഴുകനും
ഫീനിക്സ് പക്ഷിയും
ഉടലാണിരിപ്പിടം
പ്രണയത്തിന്, സ്നേഹമധുരം
പുരട്ടിയ അമ്മനിലാവിന്
ഉടലാണുറവിടം
കരുണയ്ക്ക്, സ്മരണയ്ക്ക്
മഴവില്ലു കണ്ടു മദിക്കുമൊഴുക്കിന്
ഉടലാണ് വീട്
കൊടുംകാട്, സാഗര-
ച്ചുഴിയിലെ സ്രാവുവേട്ടയ്ക്കായൊരുങ്ങുന്ന
ധിഷണയ്ക്ക്
വിഷമിച്ചു നില്ക്കുമലിവിന്
ഉടലാണ് മാളം
ആത്മീയസര്പ്പത്തിന്
പിടിമുറുക്കിക്കൊല്ലും
അര്ബുദഞണ്ടിന്
ഉടലാണ് കാമം
ഉടലാണ് കര്മ്മം
ഉടലുകള് ചാലിച്ചതല്ലോ ചരിത്രം.
ഉടലാണ് മാളം
ReplyDeleteആത്മീയസര്പ്പത്തിന്
പിടിമുറുക്കിക്കൊല്ലും
അര്ബുദ ഞണ്ടിന് ...