പാദസരം
-----------------
അപൂർവ സുന്ദര
നെൽപ്പാടം
അതിൻ നടുക്കൊരു
പുൽമാടം
അവിടൊരു റാന്തൽ വെട്ടത്തിൽ
തകരച്ചെണ്ട തലോടി
ഇരുട്ടൊരാനക്കൂട്ടം പോലെ
അടുത്തു വന്നതുകണ്ട്‌
ഇരിക്കയാണ്‌ യുവാവ്‌
അവന്റെ പാട്ടിൽ പാദസരം.
അകലെയൊരോലക്കുടിലിൽ
വയൽരാപ്പാട്ടിനു കാതോർത്ത്‌
കപ്പ പുഴുങ്ങി
കാന്താരിയുട-
ച്ചൊത്തിരി നേരം കാത്ത്‌
അടുപ്പിനരികിൽ
കിടന്നുറങ്ങി
പൊടിമീശക്കാരി
അവളുടെ കൂർക്കം സംഗീതം
കാവൽക്കാരനുമവളും വർണ്ണ-
ക്കിനാവിലപ്പോൾ സന്ധിച്ചു
നെടുമങ്ങാടൻ കപ്പക്കഷണം
മുളകുകുഴമ്പു പുരട്ടി
അവന്റെ നാവിൽ വച്ചപ്പോഴേ
കരളണിയിച്ചൂ പാദസരം
അടുത്തപുലരിയിലാനക്കൂട്ടം
പിരിഞ്ഞുപോകുന്നേരം
ഇളവൻകൊമ്പൻ തുമ്പിക്കയ്യിൽ
കരുതിനടന്നൂ ചെണ്ട
പിടിയാനയ്ക്കോ പാദസരം.
No comments:
Post a Comment